NEEEEEEIIIIIIIIIiiiiiiiiiiiiiiiiiiiiiiiiiiii.........

Þetta er án efa einn svartasti dagur íslenskrar sögu, við missum mesta hugsjónamann og leiðtoga af þingi.  Enginn hefur verið eins framsýnn og nútímalegur í hugsun síðan Einar Ben var og hét.

Það gat nú verið að umræðan um ESB myndi verða þessum mikla leiðtoga að falli, að hann skuli vera einn eftir í því áður fámenna liði sem stóð vörð um sjálfstæði lands og þjóðar.  Menn hafa hárrétt fyrir sér að ESB sé dauðadómur yfir landi og lýð, við yrðum í raun útnári í Evrópu, engum til gagns og öllum til ama.

Framsóknarflokkurinn er óflekkaður í tímanna rás, og Guðni átti stóran þátt í að gera íslenskan landbúnað að þeim tæknivæddasta og nútímalegasta í heimi.  Þökk skal hann fyrir hafa.

 

Guðni er gumi mestur

Góður, betri - nei, bestur

Hans stjórnvisku nú landið glatar

Og lýður í lágdeyðu ratar 

 

ESB er að sjálfsögðu þjóðþrifamál og synd að Guðni skuli ekki leiða þjóðina inn í það farsæla samband á komandi árum.  Það er aldrei að vita nema maður leggi á sinn klár og haldi til byggða og bjóði sig fram sem formann í þessum landsins óflekkaða flokki.

Guðni segir af sér þingmennsku

Athugasemdir

[Grétar Einarsson og Óskar Ásgeir Ástþórsson , 17.11.2008 kl. 16:32]

Það er ástæða til að óska Guðna velfarnaðar í því sem hann tekur sér fyrir hendur. Það er sjónarsviftir af honum fyrir skemmtilegheitin. En með þessari afsögn sinni hefur hann líka unnið þjóðþrifaverk. Hann var í raun óþurftamaður á þingi. Það sama má reyndar segja um Framsóknarflokkinn í heild sinni. Hann er óþurftarflokkur. Sú pólitíska spilling sem grafið hefur um sig í áratugi hér á landi er ekki hvað síst Framsóknarflokknum að kenna og hann hefur aldrei reint að breita því enda hefur hann grætt á spillingunni. Það besta sem mundi gerast fyrir íslensla pólitík og reyndar það nauðsynlegasta er að framsóknaflokkurinn hverfi alveg og Sjálfstæðisflokkurinn klofni.

Grétar Einarsson